الأربعاء، 20 نوفمبر 2013

شـــــــــــــــوارع

جورية حمراء



شوارع شوارع مليانة يا بلدى شوارع



ولكل شارع حكاية وليها قصة ورواية



فيكى شوارع فاضية



وشوارع مليانة ديابة



وشوارع المر كاسيها



وشوارع مترشقة أطفال وقمامة



وشوارع عشش فيها وطاويط الليل الخيابة



وشوارع مليانة بيوت السوس بينخر فيها



والفتنة متأصله فيها بتهد الأساس وناسه



وشوارع فيها خاينين لترابك متربصين



شوارع شوارع مليانة يا بلدى شوارع



فكيى شوارع للمتحفلطين وشوارع ارستقراطين



وكمان فيكى شوارع الغلابة والمطحونين



واصلين الليل بالنهار لاجل يلاقوا قوت يومهم



يسدوا بيه جوعهم وشقاهم



كله بيسعى لرزقه وخايف



يجى عليه بكرة ما يلقى حته اللقمة



وأة منك يا بلدى ومن شوارعك



شوارع الليل كسيها عتمة



وشوارع أنوار بتكسيها



دى شوارع شعب بسيط نورها



لازم يبقى قليل او معدوم



ودى شوارع للمسئولين



ازاى يطفوا عنها النور



حد يفكر دى تبقى نهايته



شوارع حكومة بترقص على السلالم مهيا عادة



كفايا عليها تنهب من قوت الشعب الغلابة



هتفكر ليه فى تعبه



او فى دعمه هنقول ايه بس يا سادة



وشوارع شوارع مليانة يا بلدى شوارع











مع تحياتى



نسرين العشرى



همسة حب


الصور المرفقة







via منتديات مجلة أنهار الأدبية http://www.anhaar.com/vb/showthread.php?t=35041&goto=newpost

ليست هناك تعليقات:

إرسال تعليق