مناجاه -السيد القبيلي

لما ناجيت الله دعوتي . ..استجابت

ولما ناجيت الحصى في الجبل ..لانت

ولما ناجيت السحاب في السما..سالت

ولما ناجيت الطيور في اوكارها..عادت

ولما ناجيت حبيبتي عن اللقاء ..غابت

وعن الكلام ..صانت..وعن طريقي ..حادت

وكل ده ليه ..علشان ..بحبك

قلتها لما حسيت ان لي حن قلبك

قلتها لما سرى في عروقي.. دمك

علشان كده..هفضل أحبك

وها قولها بعلو صوتي في الفضا

وهاأكتبها على كل طير في السما

وهاأكتبها على فروع كل الشجر

وهتلاقيها في عيون كل البشر

ولو سألتي الحصى في الجبل

هيقولك إني بحبك

عارفه ليه ..؟

لاني دعيت رب البشر

فاستجاب لي القدر

مهما بعدتي.غربتي ..شرقتي

حتى وسط اربع جدران جلستي

هتتنفسي حبي وفي عنيك صورتي

جواك انت.... مرايتي

طاب بصي لملامحك..ملامحي

مدي ايديك..بصي في عروقك..دمي

عملتي ايه قولليلي..؟

علشان قدرتي تبعدي

وعن الكلام تسكتي

ومن اللقاء تهربي

بدلتي قلبك..غيرتي دمك

طاب وعنيك وملامحك

واحساسك ومشاعرك

قدرتي تحبسيها....

أنا سامع شكواها..وكل حواسك

بتشتك منك ..أوعك تغيبي في يوم عني

لان في السما لبعض انكتبنا

ولما يريد الله على الارض هيجمعنا

لابيدي ولابيدك إتقابلنا

هو اللي جمعنا ولو ارد يفرقنا.. هيفرقنا



red_heartroseiجورية حمراء

via منتديات مجلة أنهار الأدبية http://www.anhaar.com/vb/showthread.php?t=35048&goto=newpost